Pilipino at ang kanyang simbolismo

Ang Pilipino ay gaya ng narra

Matatag at matibay

Ang pagsuko ay bihira

Hindi nabubuwal

Ng pagsubok sa buhay

Ang Pilipino ay gaya ng anahaw

Simbolismo ng karangalan

Ng mga Pilipinong sa kahusayan ay umaapaw

Tanda ng kagalingan

Na sa atin ay biyaya ng Maykapal

Ang Pilipino ay gaya ng mangga

Matamis na ngiti ang ipinapakita

Kahit lubhang nahihirapan na

Hugis pusng bunga

Simbolo ng pagmamahal sa kapwa niya

Ang Pilipino ay gaya ng agila

Hari kung ituring sa teritoryo n’ya

Katapangan ay nananahan

Sa puso n’yang makabayan

Sa mga mananakop, siya’y lumalaban

Ang Pilipino ay gaya ng sampaguita

Kaputian ng budhi ay makikita

Ng mga mata

Na sa kabutihan ng kalooban tumitingin

At hindi sa panlabas ng kagandahan nagpapaalipin

Ang ating pambansang simbolismo

Ay kumakatawan sa pagiging Pilipino

Mga katangiang maipagmamalaki ni Juan

Na nagpapakita ng pagka makabayan

Ito sana’y manatili at sa puso nati’y manahan