Huwebes, Setyembre 29, 2011

Ang salakot ni Juan

ni Jamaica V. Furaque


Ako ay hugis apa

Patusok ang aking gitna

Gawa ako sa rattan

at sa tambo naman kung minsan

... ako ang salakot ni Juan


Ipinantatakip ako sa ulo

Para proteksyunan ang aking amo

Laban sa matinding sikat ng araw

Na kayang sumunog ng balat nino man

... ako ang salakot ni Juan


Maging ang buhos ng ulan

Kaya ko ring labanan

Isuot mo lang ako

pagkabasa ay maiiwasan

... ako ang salakot ni Juan


Kung ikaw naman ay init na init

At 'di na kaya ang pawis na kay lagkit

Narito lang ako sa tabi-tabi

Handang paypayan ka sa bawat sandali

... ako ang salakot ni Juan


Tulad ni Juan

Na kayang kayang gawin kahit na ano

Kayang magtrabaho kahit saan

Kyang makipagkapwa kanino man

...ako ang kanyang salakot, ang salakot ni Juan

1 komento:

  1. MAHUSAY ! maganda at halatang pinagpilian ang mga salitang ginamit .. kitang kita ang pagiging pinoy ..mabisa din ang istilong ginamit :)


    nakakatuwang isipin na salakot ay may pagkakatulad din pala sa amo nyang si JUAN :)

    TumugonBurahin