Yan ang PINOY!

Ni Rodelyn Flores

Ang Pilipinas ay magkakahalong lipunan

Binubuo ng mga pulo pulong lalawigan

Kalat-kalat ang mga kultura’t kaugalian

Pero iisa lang ang pinaniniwalaan

Ang Maykapal na syang may kagagawan

                                                                        

Ang mga Pinoy na nagbabayanihan

Nagtutulungan kahit kalian o saan man

Ang bahay na sabaysabay na bubuhatin

Minsa’y sinasabayan pa ng awitin

Upang hindi maramdam ang kabigatan

Nanalaytay ang pagmamahalan

Anumang oras ay nagdadamayan

Hindi kalian man nag-iiwanan

Pag-ibig ang syang kayaman

Binibigay ito kanino man

Pinoy, pundasyon ang pakikisama

Kaginhawaan o pighati ay iyong makakasama

Nais ang maganda at mabuting pakikitungo sa iba

Ang anumang lahi di tinuturing na iba

Yan ang mayroon sa Pinoy na wala sa iba

Ang bawat isa’y sinasalamin

Sa mga dayuhan hindi papaalipin

Kaugaliang Pinoy ating pagyamanin

Sariling atin, ating tangkilikin

Yan ang PINOY saan man dalhin