“Pagkaing Pilipino"

Ni: Regine Catolico

       Kilala ang mga Pilipino sa mga pagkaing kakaiba na tanging sa Pilipinas lang matatagpuan at matitikman, na tunay nga naming natatangi .  Ang mga Pilipino ay mayroong mayamang kultura na hinahangaan ng mga dayuhan. Na sa bawat aspeto nito may mga bagay na nakikilala ang ma pinoy. Isang halibawa nito ang ating konsepto pagdating sa pagkain. Mahilig tayong kumain ng kahit ano, walang uurungan ang mga  pinoy.

Isang halimbawa ng pagkaing sariling atin ang champorado. Ang champorado ay isang pagkain na gawa sa malagkit na nilagyan ng tsokolate at pulang asukal na nagsisilbing pampalasa. Ang pagkaing ito ay masasabi nating isa sa mga pagkakakilanlan ng ating kultura. Halos lahat yata ng lugar sa pilipinas, kilala at paborito ang champorado lalo na sa mga bata. Kinikilala ang pagkaing ito bilang isa sa mga paboritong  agahan  ng mga Pilipino. Sino bang magsasabi na hindi masapar ang pagkaing ito?

Naalala ko ang kwento ng aking pinsan na isang kasambahay sa ibang bansa. Dahil sa siya ay Pilipino, hinahanap hanap pa rin niya ang pagkaing pinoy. Nagluto siya champorado na kanyang gagawing agahan. Habang siya daw ay nagluluto lumapit sa kanya ang kanyang alaga at sinabing, “tsokolate,ilalagay sa kanin?”, sa wikang Pilipino. Sadyang kakaiba an gating mga pagkain ,ngunit kung kanilang titikman,tiyak na sila ay masisiyahan.

Hindi naman pahuhuli  ang mga pagkaing bida  pagdating ng hapon. Nariyan ang lugaw , ginataang mais , munggo o halo halo na sariling atin. Ang lugaw ay tinuturing nating bilang isa sa mura at  masarap na pantawid gutom sa kumukulong kalamnan. Ito ay gawa sa kanin na minsan ay hinahaluan ng malagkit at nilalagyan ng ilang pampalasa. Madalas tayong nalilito sa kung ano ang pinagkaiba ng lugaw,goto at aroz caldo. Paano nga ba natin malalaman kung lugaw,goto o aroz caldo na an gating kinakain?

      

  Lugaw ang tawag kung ito ay simpleng gawa sa kanin na may malagkit na nilalagyan lamang ng mga pampalasa. Goto naman ang tawag kung  nilagyan na ito ng mga hibla ng  karne ng baboy o baka. Masasabi mong ito ay aroz caldo kapag karne na ng manok ang nakahalo. Tunay ngang kakaiba ang mga pagkain na sariling atin na  sumasalim sa kultura na dpat ipagmalaki sa iba.

PAGGALANG...

NI: J. A. Luis

Sa ating mga guro, mag-aaral at kapwa ko Pilipino, hayaan nyo po akong magsalita ngayon.

Noon at ngayon, hindi mawawala ang paggalang ng mga Pilipino. Paggalang na ating minana mula sa ating mga ninuno. Paggalang na hindi mawawala saang dako man ng mundo naroon. Paggalang na naging tatak ng mga pilipino.Sa paanong paraan ba naipakikita ang paggalang?

“PO AT OPO.”Ito marahil ang madalas mong sabihin. Hindi matatapos ang maghapon na hindi mo ito masasabi. Simpleng salita na may malalim na pagpapakahulugan. Salitang walang katumbas sa iba. Ang po at opo na madalas banggitin ng mga bata sa matatanda. Ito rin ang sinasagot sa mga tanong na sinasagot ng oo. Sinasambit na may buong respeto sa kausap.

Manong, manang, tatay,nanay at iba pa. ito ang mga pantawag sa mga taong mas matanda sa atin. Ito rin ay isang paraan ng pagrespeto sa ibang tao. Ginagamit din kapag hindi kilala ang kausap. Mga salitang inilalagay sa unahan ng pangalan ng kausap o minsan paghalili.

Kanang kamay sa unahan kapag dadaan sa mga nag-uusap. Ito ay ang paraan ng mga Pilipino upang hindi mabastusan ang mga taong dadaanan mo. Paraan din ito upang hindi mo na sabihin ang salitang “padaan.”sa paraang ito hihinto ang mga taong nag-uusap hanggang sa makadaan ka. Kung minsan sinasabayan din ng pagyuko.

Pagkatok.Ito’y upang ang taong kakausapin mo ay makapaghanda bago ka kausapin.Upang hindi mo sila basta-basta maabala. Paraan din ito upang malaman ng taong kausap mo na nandyan ka na.

Pagtanggal ng sapatos. Karaniwan itong ginagawa bilang paggalang na rin sa may-ari ng bahay. Ginagawa rin upang hindi na sila maglinis kapag umalis ka na. paraan ito upang ipakita na komportable ka sa bahay nila.

Pagbati. Ang pagsasabi ng magandang umaga, hapon, tanghali, at iba pa ay isang paraan ng pagbati. Ito ay karaniwan na sa atin. Paraan ng paggalang sa mga taong makakasama at nakasama natin. Ito’y upang makapag-umpisa ng pakikipag-usap sa ibang tao.

Ilan lamang ito sa paraan ng mga pilipino upang galangin ang iba at galangin din sila. Mga paraan na karaniwan na at nakasanayan ng gawin. Simple pero may paggalang. Paggalang sa kapwa Pilipino at ibang lahi. Ito ang mga bagay na hindi dapat mawala sa atin at dapat pang pagyamanin. Huwag nating kalimutan na ang paggalang ay isang tatak ng mga Pilipino.Paggalang na nagsimula pa noong unang panahon

SARILING WIKA: Daan sa Pag-unlad ng Bansa

Ni: Karla Niña Bautista Mallannao

"Ang hindi magmahal sa sariling wika ay higit pa sa hayop at malansang isda."

Isang pagpupugay at pagbati ng magandang araw sa lahat ng nandirito ngayon sa seminar na ito. Una sa lahat, nais kong magpasalamat sa mga tao na nasa likod ng programang ito at sila ay nagtiwala sa aking kakayahan at ako ay kanilang inanyayahan sa isang napakabuluhang araw na ito. Isang malaking pribilehiyo para sa akin ang maging ispiker sa isang Seminar. Ito ang unang pagkakataon na ako ay magsasalita at naimbitahan sa isang seminar kaya dama ko ang kaba sa aking dibdib pero gagawin ko ang lahat ng aking makakaya upang di ninyo pagsisihan ang pakikinig sa akin.

Ang mga katagang aking nasambit sa aking panimula ay may kinalaman sa aking talumpati. Alam naman natin na ito ay patungkol sa ating wika. Ang ating pagmamahal sa wika. Sinusukat nito kung gaano natin kamahal, kahalaga at ipinagmamalaki ang Wikang Filipino.

Ang Pilipinas ay tunay na kakaibang bansa. Hindi lang dahil sa mga natatanging pagkakakilanlan natin ngunit pati na rin ang ating wika.

Ang Pilipinas sy isang bansa na hindi lang nag-iisa ang dayalekto. Dahil tayo ay maraming dayalekto na ginagamit. Dapat natin itong ipagmalaki sapagkat patunay ito na tayo ay mayaman at maunlad sa larangan ng wika. Sa halip na gamitin ang mga banyaga at dayuhang wika, ating pagyamanin , pagyabungin at paunlarin pa ang mga dayalektong tunay na sa atin!

Ngunit isang patunay na dapat nating ipagmalaki ang pagiging Pilipino natin ay hindi lang ang mga dayalekto ng ating bansa ang kaya nating gamitin. Sa katunayan, ay maraming Pilipino ang mahuhusay sa pagsasalita ng ibang mga lenggwahe lalo na ng ating "universal language", ang Ingles. Hindi lahat ng mga dayuhan at banyagang tao ay magaling sa pagsasalita ng Ingles.

Bago ko tapusin ang aking talumpati sa araw na ito ay may iiwan akong isang mahalagang bagay na tatatak sa ating isipan. Dapat nating mahalin ang ating sariling wika dahil ito ay daan patungo sa pag-unlad ng ating bayan.